100. Ես կամ ու չկամ Խենթ քամու նման անտես ու թաքուն Կծնվեմ հոգուդ խորքերում անձայն, Որ քեզ հետ լինեմ ես ամբողջ կյանքում, Որ քեզ մոտ լինեմ` երկնքում անգամ… Անձրևի նման անսանձ, հորդառատ, Քո երակների միջով կհոսեմ, Քո գիտակցական կամքին հակառակ Ես սրտիդ ձայնով անվերջ կխոսեմ: Արևի նման կշողամ ներսից Բայց դրսից երբեք քեզ չեմ կուրացնի, Իսկ, երբ որ մրսես մենության ցրտից Իմ աղոթքները քեզ կջերմացնի: Եվ, երբ որ կզգաս մենակ ես արդեն Եվ քարացել է շուրջդ ամեն բան, Հրաբուխի պես ներսդ կժայթքեմ` Զգացնելու համար, որ անտես, բայց` կամ: Որ գիտակցաբար պարուրվես ինձնով, Ինքնաբերաբար ինձանով լցվես, Որ թույլ տաս փոքրինչ ապրեմ քեզանով, Եվ դու էլ` փոքրինչ ինձանով ապրես: Իսկ հետո սառչող հրաբուխի պես, Թող որ քարանամ հոգուդ խորքերում, Բայց այնքան մեղմիկ և այնքան անտես, Որքան սամումը` վիհոտ ձորերում… 15,10,2011 Поделиться ссылкой:FacebookOdnoklassnikTwitterE-mailНравится Загрузка... Оставить комментарий