Մնա…Մի քիչ էլ ապրիր իմ կյանքում,
Քանզի քեզնով է իմ սիրտը զարկել
Քանզի քեզնով է կյանքիս երկնքում
Երջանկությունը անհոգ թևածել:
Մնա մի քիչ էլ… Ապրիր իմ կյանքում,
Քանզի, երբ դու կաս, կամ նաև ես էլ,
Քանզի քեզնով եմ “ԵՍ”-ս հոլովում
ԵՎ չեմ ուզում այն իսպառ տրոհել:
Մնա…Մի քիչ էլ ապրիր իմ կյանքում,
Թույլ տուր աչքերիդ հեքիաթը հյուսել,
Թույլ տուր խորտակվել այդ խենթ հեքիաթում
Եվ ոչ թե նրա խորագրում հյուծվել:
Մնա մի քիչ էլ… Ապրիր իմ կյանքում,
Թող որ քեզանով հոգիս ջերմանա,
Թող քո ձեաքգիրն իմ ճակատագրում
Անվերծանելի հարազատ մնա:
07.07-2013թ
ՄԻ ԽԵԼԱՌ ԱՇԽԱՐՀ... 