Օրը շատ դանդաղ աչքերը բացել
Եվ շուրջբոլորն է կարծես պրպտում,
Ու ինչ որ բանից կարծես նեղացել
ԵՎ ոչ ոքի հետ խոսել չի ուզում:
Գուցե փնտրում է մարդկանց հարազատ
Որոնց ոչ մի կերպ չի լինում գտնել,
Գուցե կարոտի ցավից գազազած
Ուզում է մարդկանց ամբոխին գգվել:
Ասել է գուցե ուզում բոլորին,
Որ կարոտել է խելառի նման,
Իրեն հարազատ այն խենթ աչքերին
Որոնք այրում են արևի նման:
Կամ գուցե ուզում այնպես լուռ բացվել,
Որ չնեղացնի անցնող գիշերվան,
Գուցե ուզում է այսպես արդնացնել
Եվ գալիքին խենթ, և տիրող ներկան:
Ես էլ եմ ուզում օրվա պես նրբին
Բարի առավոտ քեզ մաղթել այսօր,
Երկար նայելով խաղաղ երկնքին
Ցանկանալով քեզ խենթ ու խելառ օր:
Ես էլ եմ ուզում օրվա պես նրբին
Տարածվել խենթ աչքերիդ դիմաց,
Որ հորիզոնը ինչպես ծիր կաթին
Մեկ շատ մոտ թվա, իսկ մեկ էլ՝ անանց…