Կյանքն իմ գիրք է մի հաստափոր
Եվ թերթերում նրա դեռ թաց
Քո անունն է թավ տառերով
Ամեն էջում թաքուն գրված:
Կյանքն իմ գիրք է մի հաստափոր
Ամեն թերթը քեզնով ներկված
Ամեն էջը լցված քեզնով
Քո մատներով թերթված, շրջված:
Եվ ով էլ որ այն ընթերցի,
Որքան էլ որ լինի նա խենթ,
Ոչ մի էջում քեզ չի գտնի
Թեկուզ թերթի գիրքն այդ հավետ:
Կյանքն իմ գիրք է մի հաստափոր
Դեռ այն չունի ոչ մի խենթ էջ,
Որի գեթ մի պարբերություն
Լինեմ ես քո տաք գրկի մեջ:
Քո մարմինը լուռ շոշափեմ
Քեզ կարոտած իմ մատներով,
Ոչ թե կյանքիս գիրքը լցնեմ
Լոկ քո անվան թավ տառերով…
Կյանքն իմ գիրք է մի հաստափոր,
Կարծես չունի այն ոչ մի էջ
Որը թերթեմ ես կարոտով
Եվ ՔԵԶ հիշեմ… Կամ… Հիշեմ քեզ…
ՄԻ ԽԵԼԱՌ ԱՇԽԱՐՀ... 