Քո մարմինն եմ ամենուրեք ես որոնում…
Ինձ գուրգուրող քո մատներն եմ փնտրում ես տաք,
Ժամանակը ասես մի պահ կանգ է առնում
Մտորելու իմ խենթ սրտի զարկերի տակ:
Քո շուրթերն եմ ամենուրեք ես որոնում…
Ինձ պինդ գրկող քո ձեռքերն եմ փնտրում անհագ,
Ժամանակից էլ արագ եմ ես սլանում
Որ քեզ գտնեմ, որ գրկեմ քեզ, փարվեմ վայրագ:
Որ պարուրվեմ քո աչքերի խենթ մոգությամբ,
Ողջ էությամբ անմնացորդ ես քեզ տրվեմ,
Որ ցուրտ հոգուս քեզնով ապրող իմաստությամբ
Իմ մարմինը ջերմությանդ անխոս ձուլեմ:
Որ շուրթերս նոր թափ առնող կրակ դարձած
Քո մարմինը չտեսի պես լափեն հեռվից,
Որ… Երբ հանկարծ դու հեռանաս անվերադարձ
Խելագարվեմ քո մարմնի ջերմությունից:
13.07-2013թ
ՄԻ ԽԵԼԱՌ ԱՇԽԱՐՀ... 