Ես չեմ հավատում, որ քեզնից բացի
Էլ ուրիշ մեկին կսիրեմ այսպես,
Ու չեմ հավատում որ քեզնից բացի
Էլ ուրիշ մեկին կկորցնեմ այսպես:
Էլ ուրիշ մեկին ես չեմ կարոտի
Այնպես, ինչպես որ քեզ էի կարոտում
Էլ ուրիշ մեկին այդպես չեմ գրկի
Ինչպես որ քեզ էի երբեմն գրկում:
Էլ ուրիշ մեկին այդպես չեմ տենչա,
Այդպես չեմ հպվի, չեմ ժպտա այդպես
Էլ ուրիշ մեկով այդպես չեմ ցնծա
Այդպես չեմ ապրի, չեմ շնչի այդպես:
Չեմ էլ հավատում, որ ինձնից բացի
ՈՒրիշ մեկը քեզ կսիրի այսպես,
Ու չեմ հավատում, որ ինձնից բացի
Դու ուրիշ մեկին կկորցնես այսպես:
Դրա համար էլ վստահ, անկոտրուն
Ուզում եմ գոռալ,- Սիրելու եմ քեզ,
ՈՒ եթե դու ինձ կորցնես կյանքում
Ես երբեք երբեք չեմ կորցնելու քեզ…