Քեզ կորցնելուց ես չեմ վախենում,
Ես վախենում եմ քեզ ունենալուց,
Քեզ մոռանալուց ես չեմ խուսափում
Ես խուսափում եմ քեզ միշտ հիշելուց:
Քեզ մոտենալուց ես չեմ վախենում,
Վախենում եմ լոկ քեզնից այրվելուց,
Չհասկանալուց ես չեմ խուսափում,
Խուսափում եմ լոկ քեզ գիտակցելուց:
Վախենում եմ, որ կամա-ակամա
Ապրելու եմ լոկ քո արձագանքով,
Խուսափում եմ, որ վաղն ինչ էլ դառնա
Ապրելու եմ լոկ քո նախերգանքով:
Բայց ախուվախով, սարսափով անգամ,
Խոնարհվում եմ միշտ կարոտիդ առջև,
Իմ տառապանքի աղոթքից անձայն
Թող կարոտը քո միշտ առնի թևեր:
Սլանա, ճախրի, սավառնի, սուրա
Թող հաղթահարի բարձունքները վեհ
Բայց գեթ մի վարկյան թող որ ինձ գթա
Ինձ էլ չթողնի այս կյանքում անթև:
21.12.2014թ
-
Подписаться
Подписано
Уже есть учётная запись WordPress.com? Войдите в систему.
ՄԻ ԽԵԼԱՌ ԱՇԽԱՐՀ... 