Մենակ եմ հիմա… Դու չկաս արդեն,
Մթություն է լոկ քեզանից հետոն,
Ասա ինձ, ինչպես խավարն այդ ցրեմ,
Ինչպես սև օրս կրկին դարձնեմ տոն…
Մենակ եմ հիմա… Դու չկաս արդեն,
Լռություն է լոկ քեզանից հետոն,
Ասա ինձ ինչպես նոր նոտա գտնեմ,
Որ լռությունն այդ բարձրացնեմ մի տոն…
Մենակ եմ հիմա… Դու չկաս արդեն,
Դիմակահանդես է քեզանից հետոն,
Ասա ինձ ինչպես մի խենթ գույն գտնեմ,
Դիմակահանդեսդ դարձնեմ փառատոն…
Մենակ եմ հիմա… Դու չկաս արդեն,
Լեզուս պապանձել է քեզանից հետոն,
Գեթ կարողանար իմ սիրտը խոսել,
Որ զուսպ անիծեի քեզանից հետոն…
Քանզի չգիտեմ, երբ չկամ ես էլ,
Գուցէ քո կյանքում լռություն է լոկ…
Դու էլ կարող ես ինձ զուսպ անիծել,
Մեկ է, անեծքն այդ չի լսում ոչ ոք:
ՄԻ ԽԵԼԱՌ ԱՇԽԱՐՀ... 