Միթե կարող եմ կողքովդ անցնել
Ու չնկատել, որ տխուր ես դու,
Միթե կարող եմ քեզ մի պահ տեսնել
Ու չկռահել, որ թախծում ես դու:
Միթե կարող եմ այնպես, հենց այնպես,
Կողքովդ անցնել ու ոչինչ չզգալ…
Ոչ մի բան չասել, նայել աչքերիդ,
Ամեն ինչ տեսնել, բայց լուռ հեռանալ:
Ես անկարող չեմ, բայց դու իմացի ‘ ր,
Որ այդ ամենը անել չեմ կարող,
Ես անկարող չեմ, բայց դու հասկացի ‘ ր,
Որ բոլորից շատ սիրել եմ կարող:
Եվ եթե լինես ինձանից հեռու,
Ու եթե ապրես դու նրա համար,
Հավերժ իմացի ‘ ր, որ իմ ՍԵՐՆ ես դու,
Մեծ ու անմոռաց սերն իմ անմար:
15 Հունվարի 2003թ
Оставить комментарий