Ինչպես գիշերվա խելառ երկնքում
Աստղերն են փորձում դանդաղ նշմարվել,
Հոգուս հեռավոր ու ցուրտ ծերպերում
Քո խելառ կարոտն է փորձում բռնկվել:
Եվ ինձ էլ ոչինչ չի մնում անել,
Քան փարվել նրա լույսերին բոսոր
Եվ տարօրինակ կերպով դողացնել,
Ինչպես աստղերը ձմռան գիշերով:
Ինչպես հեռավոր խենթ հորիզոնում
Արևն է փորձում դանդաղ բարձրանալ ,
Հոգուս հեռավոր և մութ կիրճերում
Կարոտիդ արևն է արթնանում դանդաղ:
Եվ ինձ չի մնում ոչինչ անելու
Քան գրկել նրա շողերը դոնդող
Եվ հուսալքված գնալ քնելու
Ինչպես արևի շողը մայր մտնող:
<Բարի գիշեր, հուսով եմ ես քեզ չեմ նեղացրել ու դու էլ չես նեղացել ինձանից… Եվ օրերից մի օր էլի կշբվենք իրար հետ>
07.01.2015թ