Ես սիրում եմ իմ մտքերի գրկում լինել մոլորված,
Երազներիս աշխարհում անվերջ, անվերջ թափառել,
Ես սիրում եմ, որ իմ կյանքը լինի քեզնով շփոթված,
Եվ սիրում քեզանով տիեզերքը նկարել:
Ես սրում անխնա աչքերիդ դեմ մաքառել
Եվ սիրում եմ ես անզուսպ հեռվից նայել աչքերիդ,
Ես սիրում եմ այս կյանքում լոկ քեզանով տառապել,
Իմ մատներով անզգա, ազնգույշ հպվել շուրթերիդ:
Ես սիրում եմ քո օտար ու խենթ մարմնով կախարդվել,
Քո ջերմությամբ այրվելով քեզնից հեռու հեռանալ,
Կարոտիդ դեմ ահարկու աղոթքներով պայքարել,
Ամեն վարկյան քեզ տեսնել, քեզ ատելով ՔԵԶ տենչալ:
Ես սիրում եմ քեզանով կյանքս անվերջ խորտակել,
Եվ սիրում եմ քեզանով կյանքիս կրկին խենթ զարկ տալ,
Սիրում եմ քո աչքերում մոլորվել ու հայտնվել,
Հոգուդ մթին օվկիանում լույս երազով իմ լող տալ:
Անկեղծ ասած, կյանքն այս լույս, ես սիրում եմ քեզանով,
Եվ սիրում եմ քեզանով կյանքն իմ խելառ երանգել,
Հավատա ինձ ողջ կյանքում ապրելու եմ քեզանով,
Եվ առանց քեզ պերճաշուք երջանկություն նկարել:
20.06.2013թ