Եղանակն էլ քո պես գժվել
Չի հասկանում ինչ անի,
Սիրել, մերժել, թե՝ կարոտել,
Կործանվի, թե՝ կործանի:
Եղանակն էլ քո պես գժվել
Դուրս է եկել ափերից,
Եվ ձյան տեսքով փորձում թափվել
Սիրուց խեղդված երկնքից:
Գիժ են դարձել փաթիլները,
Խելագարվել կարոտից,
Չգտնելով իրենց տեղը
Պար են գալիս ամոթից:
Շպրտվում են այս ու այն կողմ,
Այս ու այն կողմ շաղ գալիս,
Մեկ թողնում են սերը մի կողմ,
Մեկ՝ սիրո պես խափս տալիս:
Չեն հասկանում՝ սիրել, մերժել,
Թե կարոտել խենթի պես,
Դու նրանց էլ գիժ ես դարձրել,
Այնպես, ինչպես գիժ եմ ես:
Փաթիլներն էլ ինձ պես ազուսպ,
Քեզ են փնտրում գժի պես
Մեկ կարոտում են, մեկ՝ ատում,
Մեկ էլ անսանձ սիրում քեզ…
08.12.2013թ
-
Подписаться
Подписано
Уже есть учётная запись WordPress.com? Войдите в систему.
ՄԻ ԽԵԼԱՌ ԱՇԽԱՐՀ... 